Tjippies · HELSE VEST IKT AS AVD BERGEN

    Visuell innhaldsutviklar (1 års vikariat)

    Vestlandet, NorwayFull-time

    Description

    europa.eu

    Er du god på animasjon og visuell formidling, og trivst med å jobbe tett på heile utviklingsprosessen? Bli med og løft korleis vi lagar digital opplæring til medarbeidarar i spesialisthelsetenesta! I seksjon for Kompetanse og digital læring i Helse Vest IKT har vi ledig eit eittårig vikariat i innhaldsproduksjonsteamet vårt. Vi ser etter ein allsidig animatør / visuell innhaldsutviklar som både meistrar sjølve handverket med å skape animasjon, 3D og levande bilde, og som ønskjer å bidra aktivt inn i smidig prosjektarbeid frå start til slutt.Hos oss utviklar vi digitale læringsprodukt for medarbeidarar i spesialisthelsetenesten på Vestlandet. Vi jobbar målretta for å kome bort frå tunge, tekstbaserte kurs, og heller bruke god visuell formidling for å forklare kompliserte ting på ein enkel måte. For å få til dette treng vi deg som kan kombinere visuell produksjon med god prosess- og brukarforståing. Arbeidsoppgåver Du kjem inn i eit tverrfagleg produksjonsteam med bakgrunn innan læringsdesign, pedagogikk og grafisk design. Hos oss vil rolla di vil veksle mellom visuell produksjon og deltaking i det breiare utviklingsløpet for e-læringskursa våre. Oppgåvene vil variere etter kva prosjekt og behov som kjem inn i løpet av engasjementet, men du vil mellom anna:

    • Delta i prosjektmøter og samarbeide tett med fagmiljø på sjukehusa for å forstå målgruppa og kartleggje brukarbehov.
    • Vere med i tidleg fase, konseptutvikling, kursskisser og manusarbeid saman med resten av teamet – og gjerne dra prosessar frå idé og storyboard til ferdig løysing.
    • Lage korte animasjonar (2D/3D), video og visuelt innhald som forklarar prosedyrar eller faglege konsept i e-læringskursa våre.
    • Bidra med generell produksjon, kursbygging og revisjonar i utviklingsløpet når det krevst.

    Kvalifikasjonar I tråd med kvalifikasjonsprinsippet legg vi vekt på utdanning, erfaring og personleg eignaheit:

    • Portefølje / Showreel (ønske): Vi ønskjer å sjå konkrete døme på kva du har laga av animasjon, 3D, video eller anna visuell historieforteljing.
    • Du har relevant utdanning innan animasjon, 3D, digital medieproduksjon, visuell kommunikasjon eller tilsvarande. Solid praktisk erfaring og ein god portefølje kan vege opp for formell utdanning.
    • Du er stødig og effektiv i relevante verktøy for animasjon, 3D og video (som t.d. After Effects, Premiere Pro, Blender eller tilsvarande), og har kjennskap til heile den kreative pipelinen. Kjennskap til forfattarverktøy for e-læring er ein fin bonus.
    • Du har gjerne erfaring med – eller interesse for – manusarbeid, visuellkonseptutvikling og smidig prosjektarbeid.
    • Du kommuniserer godt på norsk, både munnleg og skriftleg.

    Personlege eigenskapar

    • Som person er du ein lagspelar som også jobbar godt på eiga hand.
    • Du er fleksibel og open for å ta i eit tak der teamet treng det i produksjonen.
    • Du er proaktiv og løsningsorientert
    • Du er leveransedyktig og initiativrik
    • Du er god på å gjere prioriteringar i ein hektisk kvardag
    • Du er strukturert, systematisk og har fokus på kvalitet
    • Du deler villig av din kompetanse til resten av teamet
    • Du bidrar inn til eit godt arbeidsmiljø

    Vi tilbyr

    • Ein variert kvardag: Du får brukt både den visuelle spisskompetansen din og evna til å jobbe med konsept, manus og prosjektutvikling i praksis.
    • Ein jobb som betyr noko: Kursa og innhaldet du er med på å lage bidreg til ein tryggare og enklare arbeidskvardag for medarbeidarar i spesialisthelsetenesta på Vestlandet.
    • Eit sterkt og uformelt fagmiljø: Vi er ein engasjert gjeng som deler kunnskap, sparrar i kvardagen og har låg terskel for å teste nye grep.
    • Tilgang til Helse Vest sine kollektive avtalar og tilbod for tilsette
    • Fleksible arbeidsordningar med fleksitid og arbeidsveke på 37,5 timar inkl. lunsj
    • Løn etter avtale
    • Medlemskap i KLP som sikrar gode pensjonsrettar

    Hugs å leggje ved lenkje til showreel eller portefølje i søknaden din – vi gler oss til å sjå kva du har laga! Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. KontaktinformasjonFrøy Kristin Johnsen, Seksjonsleiar, +4747623129 ArbeidsstadBjørnsons gate 29 5052 Bergen Nøkkelinformasjon:Arbeidsgivar: Helse Vest IKT

    Referansenr.: 5202417753 Stillingsprosent: 100% Vikariat Startdato: 04.01.2027 Søknadsfrist: 16.11.2026

    Om arbeidsgiveren

    Helse Vest IKT leverer alle IKT-tenester til spesialisthelsetenesta i Helse Vest. Våre kundar er både dei offentlege sjukehusa i Helse Vest, samt fleire private helsetenesteleverandørar i regionen. Vi har kontor i Bergen, Stavanger, Førde og Haugesund.

    Vi siktar mot å betre helsetenesta ved innovativ bruk av IKT-løysingar. Vi har som mål å innføre teknologi som gjer pasientbehandlinga på sjukehusa tryggare og meir effektiv. Vi er eit framtidsretta miljø som kontinuerleg samarbeider med sjukehusa for å hjelpe dei med innovative arbeidsmåtar. For å klare det, er vi avhengig av å vere ein variert miks av tilsette. I tillegg til teknologi- og IT-hovud, har vi mange flinke folk i stabs- og støttefunksjonar, og ikkje minst med helsefagleg bakgrunn.

    Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn, eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

    Vil du verte betre kjent med oss og lese meir om kva vi driver med? Gå inn på helse-vest-ikt.no

    We use cookies to measure visits and improve our ads. You choose. Privacy policy