Tjippies · ØYSTRE SLIDRE KOMMUNE FRISKLIV- SENTRALEN

    Vikariat i 80% som frisklivskoordinator og fysioterapeut

    Innlandet, NorwayFull-time

    Description

    europa.eu

    Ønskjer du å bidra til auka helsekompetanse og betre livskvalitet for innbyggjarane i Øystre Slidre kommune? Øystre Slidre kommune har ledig eit 80% vikariat som frisklivskoordinator og fysioterapeut i perioden 12.01.2027-03.01.2028, med moglegheit for forlenging. Dette er ei variert og meiningsfull stilling som gir deg moglegheit til å kombinere direkte brukaroppfølging med koordinerande og utviklingsretta oppgåver innan førebyggande og helsefremmande arbeid. Du vil være ein ressurs i arbeidet med å styrkje innbyggarane si helse og meistringsevne, samtidig som du samarbeider tett med den kommunale fysio- og ergoterapeuttenesta og andre relevante samarbeidspartnarar. Som frisklivskoordinator vil du ha ansvar for drift og vidareutvikling av Frisklivssentralen. Frisklivssentralen er ei kommunal helsefremmande og førebyggjande helseteneste, som støttar innbyggarane i arbeidet med å meistre eiga helse gjennom individuelle samtaler, kurs og gruppetilbod innan mellom anna fysisk aktivitet, kosthald, tobakksslutt og søvn. Stillinga inneber også fysioterapeutiske arbeidsoppgåver, der du vil bidra inn i den kommunale fysioterapitenesta med vurdering, kurativ behandling og oppfølging av brukarar. Det er krav om politiattest før tilsetting, jfr helsepersonelloven §20a. Arbeidsoppgåver

    • Førebyggjande helsearbeid gjennom frisklivsrettleiing og folkehelsearbeid
    • Drift, koordinering og vidareutvikling av Frisklivssentralen
    • Individuelle helsesamtalar og oppfølging av deltakarar
    • Støtte og motivere deltakarar til å endre levevanar og meistre eigne helseutfordringar
    • Ansvar for organisering og koordinering av Sterk og Stødig-grupper og aktivitetskontaktane til Frisklivssentralen
    • Gjennomføre gruppetreningar som gågrupper, barseltrening og treningstilbod for heimebuande med og utan ganghjelpemiddel
    • Organisere og gjennomføre årlege helsefremjande kurs og gruppetilbod som «Sov godt» og «Bra Mat», samt bidra på kommunen sine seniorseminar og aktivitetsdagar
    • Ansvar for treningsrommet
    • Gje fysioterapi til pasientar i kurativ behandling
    • Bistå ved hverdagsrehabiliteringsteamet
    • Tverrfagleg samarbeid

    Kvalifikasjonar

    • Norsk autorisasjon som fysioterapeut
    • Interesse for, og gjerne erfaring frå, helsefremjande og førebyggjande arbeid
    • Erfaring som gruppeinstruktør er ein fordel
    • Erfaring med motiverande intervju (MI) er ein fordel
    • Sterk og Stødig-rettleiarsertifisering er ein fordel
    • God munnleg og skriftleg framstillingsevne
    • Førarkort klasse B og tilgang til eigen bil

    Personlege eigenskapar

    • Vi søkjer ein positiv, motivert og engasjert medarbeidar
    • Du må vere løysningsfokusert, fleksibel og ha evne til å jobbe sjølvstendig og i team
    • God evne til samarbeid, og til å motivere andre
    • God evne til struktur og gjennomføring av tiltak i tenesta
    • Ansvarsbevisst, initiativrik og med positiv haldning til tverrfagleg samarbeid

    Det vil bli lagt vekt på personlege eigenskapar Vi tilbyr

    • Utfordrande og spennande stilling i ein kommune i utvikling
    • Gode pensjons- og forsikringsordningar
    • Lønns- og arbeidsvilkår etter tariff
    • Eit godt sosialt og sterkt tverrfagleg arbeidsmiljø, med faglege utfordringar og gode moglegheiter for personleg utvikling

    KontaktinformasjonGina Kvale Myreng, Avdelingsleiar helsetenesta, +47 90525192 ArbeidsstadBygdinvegen 1989

    2940 HEGGENES

    Nøkkelinformasjon:Arbeidsgivar: Øystre Slidre kommune

    Referansenr.: 5205969172 Stillingsprosent: 80% Vikar Sluttdato: 03.01.2028 Søknadsfrist: 30.11.2026

    Om arbeidsgiveren

    Nasjonalparkkommunen Øystre Slidre ligg ved inngangsporten til Jotunheimen, med Beitostølen som et naturleg utgangspunkt. Vegen er kort til toppturar både sommar og vinter.

    Friluftsliv, jakt, fiske og stølsliv er viktig i kommunen. Du finn mellom anna deler av Langsua nasjonalpark, eit stort turløypenett og milevis med skiløyper i heile kommunen. På Valdresflye varar skisesongen lenge. Velkommen til rein naturglede!

    Reiseliv og jordbruk er blant dei største næringane, og det finst spanande arbeidsplassar innan fleire bransjar.Øystre Slidre har dei siste åra hatt vekst i folketallet.

    Øystre Slidre kommune skal tilby gode tenester til innbyggarar og tilreisande i alle aldersgrupper. Nytt og moderne helsetun stod ferdig i 2021. Eit rikt kulturtilbod, eit godt tilbod til barn og unge og ein unik dugnadsånd er med på å gjere kommunen til ein attraktivt stad å bu.

    Gode handelstilbod finn ein både i kommunen og rundt regionsenteret Fagernes.

    Vil du vite meir om Valdres? Vi har unik natur, kultur og er ein attraktiv region, sentralt i Norge. Les meir på valdres.no .

    We use cookies to measure visits and improve our ads. You choose. Privacy policy